Tuesday, August 12, 2008

واجب

من مدونة الجميلة جميلتي جومانا (أنا والآتي ) والعزيز أ. إيهاب (دخل الشتا ) وصلني هذا الواجب التدويني :).. أعتذر وبشدة علي التأخير




الواجب من سؤال واحد..اذكر ستة أسرار قد لا يكتشفها من يحدثك لأول مرة..



1



اللثغة.. حرف الراء عندي واقع شوية :) ..ودايما مش عارفة ليه محدش بياخد باله في أول مرة ..طبعا ده مش سر بس دايما بيتكرر الموقف المضحك إني أكون باكلم واحدة كلمتها كذا مرة قبل كدة وفجأة تقاطع الكلام وتسأل باستغراب :إيه ده هو إنتي لدغة؟!!




2



أنا عسراء..استخدم يدي اليسري في الكتابة... ده كمان مش سر لكن من الحاجات اللي محدش بيكتشفها من أول مرة !



3


باتكلم كتير جدا عن اللازم و نصف كلامي علي الأقل لمجرد إني أنفي تهمة الخجل / الضيق /الكبر دايما الناس بتتخيل إن السكوت معناه حاجة من الحاجات دي ..لكن مع كل الرغي ده أعلي ما ف صوتي سكوتي



4



باحتفظ بانفعلاتي لنفسي و مبتسمة غالبا مع إن حاجات بسيطة جدا ممكن تضايقني



5





غريبة .. وخيالية.. ومجنونة أحيانا كمان



6



انطباعي عن الأشخاص من أول تعامل بيكون صحيح بدرجة كبيرة وباعرف أفهم كويس كمان مشاعر و نفسية اللي باتعامل معاهم..




خلاص كدة :)

آخر حاجة إني أمرر الواجب ل 6 مدونين ماتمررش ليهم قبل كدة

منيرفا.. أرض الغجر

محمد ..النقيب هدوء

دافنشي ..فنان فقير

أحمد رشاد.. عزيز المصري

فوءة .. رأيي

إيمان.. من أجل الحب

علياء..من علي صليب يهوذا
















Sunday, August 10, 2008

محمود درويش..كن قمرا





إذا لم تكن مطرا يا حبيبي ...فكن شجرا مشبعا بالخصوبة...كن شجرا...

وإذا لم تكن شجرا يا حبيبي...فكن حجرا مشبعا بالرطوبة...كن حجرا

وإذا لم تكن حجرا يا حبيبي ...فكن قمرا في منام الحبيبة ...كن قمرا


كذا قالت امرأة لابنها في جنازته




وأنت أيها الفارس ...العاشق الأبدي في فلسطين ... إذا غيبتك هزيمة الموت فكن - في حضرة الغياب - دوما.. قمرا في منام الحبيبة ... كن قمرا






حملت صوتك في قلبي وأوردتي

فما عليك إذا فارقتَ معركتي

أطعمتُ للريح أبياتي وزخرفها

إن لم تكن كسيوف النار .. قافيتي !

آمنت بالحرف .. إما ميتا عدماً

أو ناصبا لعدوّي حبل مشنقة

آمنت بالحرف نارا .. لا يضير إذا

كنت الرماد أنا .. أو كان طاغيتي !

فإن سقطتُ .. وكفي رافع علمي
سيكتب الناس فوق القبر

" لم يمت "





في رحمة الله أيها الفارس