هذا التاج مرره لي شاعر الاسكندرية العزيز مصطفي يحيي ..ولأنه تاج سهل وطيب بصراحة.هابدأ بالإجابة فورا دون أي من المقدمات السخيفة...الواحد مش هايدبس كل يوم
هل كنت طالب شاطر في المدرسة؟؟
آه الحمد لله..خلاص كدة...المفروض أرغي شوية صح؟؟
طيب يعني الحمد لله كنت باحب الدراسة والمدرسة جدا ولحد دلوقتي بازور مدرستي واساتذتي وعلاقتي بيهم لسة موصولة رغم أني واخدة الثانوية من أكتر من خمس سنين..
علي فكرة الي حط اسئلة التاج ده أكيد أب أو هيكون أب قريب وبيستعد علشان ولاده هيسألوه السؤال ده..
أيه أحب وأكره مادة ليك في المدرسة وفي الكلية؟؟
في المدرسة كنت باحب كل حاجة ...كنت باحب العربي جدا كمادة وباعشق النحو وكنت باحس انها حاجة بالفطرة مش محتاجة مذاكرة...باحب كمان العلوم أو يعني فروعها بالذات الأحياء والفيزيا رغم أني باحس أننا بندرس الفيزيا غلط لأن مش بنشوف أي حاجة تقريبا بطريقة عملية..الرياضيات كمان ظريفة وباحبها .. كنت محتارة شوية في ثانوي أختار علمي ولا أدبي ..علوم ولا رياضة ..بس في الآخر لقيتني باحب العلوم أكتر..
مكنتش باكره حاجة خالص في المدرسة ..بصراحة يمكن لأن كل مدرسيني ناس رائعين فعلا فمحدش عقدني من حاجة بالعكس كل واحد كان بيخليني احب مادته..
آه يمكن كنت باكره الرسم...إحم..رسمي وحش جدا ومش باعرف اضبط نسب ولا أبعاد فبيطلع أقرب للكاريكاتير الفاشل .بس مدرسين الرسم كانوا برضه اصحابي ..
في الكلية بقا حبيت جدا الفيسيولوجي لأنه بيتفهم ولأنه بيوريك عظمة ربنا في كل وظيفة من وظايف الجسم.. وكمان البيو..(الكيمياء الحيوية)والفارما حبيتها جدا رغم أنها من أصعب الحاجات في الحفظ بس ممتع أنها تتفهم
وكمان الرمد ..والباطنة حبيتها (بالذات بعد ما امتحنتها وخلصت منها) لأنها يمكن فيها كل الطب الحقيقي..
كنت باكره الهيستولوجي(علم الأنسجة) لأن كله وصف عايز يتحفظ بس حبيته لما اتكرر الكلام ده تاني في وقت مناسب وعرفت كل حاجة شكلها كدة بالذات علشان وظيفتها أيه...المناعة كمان مكنتش باحبها لأن الدكاترة بتوعها كرهونا فيها بصراحة ..بس فهمتها وحبيتها لما اتكررت تاني مع الباطنة...
أنا رغيت كتير أوي هنا ...فين السؤال الأخير ؟؟
كنت عايز تتطلع أيه وأنت صغير؟؟
الحقيقة عمري ما فكرت في الموضوع ده وأنا صغيرة....وأنا صغيرة جدا (3 سنين كدة)قلت لماما أني عايزة أبقي...إحم ....ما علينا علشان ده تاج وقور ...أعتقد يمكن مرة ولا حاجة قلت أني عايزة أكون صحفية يمكن علشان كان مدرسين العربي بيحبوا موضوعات التعبير بتاعتي...بس اللي متأكدة منه أني عمري ما قلت عايزة أطلع دكتورة..وأن الكلية دي داخلاها هواية كدة بالصدفة يعني...الظريف أني لسة باتسأل السؤال ده لحد دلوقتي...عايزة تتخصصي أيه لما تخلصي؟؟ولسة بارد بنفس الابتسامة العبيطة وبأني لسة مش عارفة وربنا يسهل لما أخلص ..
خلاص كدة الحمد لله ..
طبعا ده تاج ولازم يتمرر لحد زي اللعنة كدة بالضبط ..بس للأسف لقيته راح لمنيرفا وتوتا وجيرالدين ومحمد النقيب وكل الناس تقريبا...الحل إن أي حد يمر من هنا ياخده معاه علي طول وميخافش ده سهل وبسيط خالص
شكرا جزيلا للعزيز مصطفي يحيي ....
هل كنت طالب شاطر في المدرسة؟؟
آه الحمد لله..خلاص كدة...المفروض أرغي شوية صح؟؟
طيب يعني الحمد لله كنت باحب الدراسة والمدرسة جدا ولحد دلوقتي بازور مدرستي واساتذتي وعلاقتي بيهم لسة موصولة رغم أني واخدة الثانوية من أكتر من خمس سنين..
علي فكرة الي حط اسئلة التاج ده أكيد أب أو هيكون أب قريب وبيستعد علشان ولاده هيسألوه السؤال ده..
أيه أحب وأكره مادة ليك في المدرسة وفي الكلية؟؟
في المدرسة كنت باحب كل حاجة ...كنت باحب العربي جدا كمادة وباعشق النحو وكنت باحس انها حاجة بالفطرة مش محتاجة مذاكرة...باحب كمان العلوم أو يعني فروعها بالذات الأحياء والفيزيا رغم أني باحس أننا بندرس الفيزيا غلط لأن مش بنشوف أي حاجة تقريبا بطريقة عملية..الرياضيات كمان ظريفة وباحبها .. كنت محتارة شوية في ثانوي أختار علمي ولا أدبي ..علوم ولا رياضة ..بس في الآخر لقيتني باحب العلوم أكتر..
مكنتش باكره حاجة خالص في المدرسة ..بصراحة يمكن لأن كل مدرسيني ناس رائعين فعلا فمحدش عقدني من حاجة بالعكس كل واحد كان بيخليني احب مادته..
آه يمكن كنت باكره الرسم...إحم..رسمي وحش جدا ومش باعرف اضبط نسب ولا أبعاد فبيطلع أقرب للكاريكاتير الفاشل .بس مدرسين الرسم كانوا برضه اصحابي ..
في الكلية بقا حبيت جدا الفيسيولوجي لأنه بيتفهم ولأنه بيوريك عظمة ربنا في كل وظيفة من وظايف الجسم.. وكمان البيو..(الكيمياء الحيوية)والفارما حبيتها جدا رغم أنها من أصعب الحاجات في الحفظ بس ممتع أنها تتفهم
وكمان الرمد ..والباطنة حبيتها (بالذات بعد ما امتحنتها وخلصت منها) لأنها يمكن فيها كل الطب الحقيقي..
كنت باكره الهيستولوجي(علم الأنسجة) لأن كله وصف عايز يتحفظ بس حبيته لما اتكرر الكلام ده تاني في وقت مناسب وعرفت كل حاجة شكلها كدة بالذات علشان وظيفتها أيه...المناعة كمان مكنتش باحبها لأن الدكاترة بتوعها كرهونا فيها بصراحة ..بس فهمتها وحبيتها لما اتكررت تاني مع الباطنة...
أنا رغيت كتير أوي هنا ...فين السؤال الأخير ؟؟
كنت عايز تتطلع أيه وأنت صغير؟؟
الحقيقة عمري ما فكرت في الموضوع ده وأنا صغيرة....وأنا صغيرة جدا (3 سنين كدة)قلت لماما أني عايزة أبقي...إحم ....ما علينا علشان ده تاج وقور ...أعتقد يمكن مرة ولا حاجة قلت أني عايزة أكون صحفية يمكن علشان كان مدرسين العربي بيحبوا موضوعات التعبير بتاعتي...بس اللي متأكدة منه أني عمري ما قلت عايزة أطلع دكتورة..وأن الكلية دي داخلاها هواية كدة بالصدفة يعني...الظريف أني لسة باتسأل السؤال ده لحد دلوقتي...عايزة تتخصصي أيه لما تخلصي؟؟ولسة بارد بنفس الابتسامة العبيطة وبأني لسة مش عارفة وربنا يسهل لما أخلص ..
خلاص كدة الحمد لله ..
طبعا ده تاج ولازم يتمرر لحد زي اللعنة كدة بالضبط ..بس للأسف لقيته راح لمنيرفا وتوتا وجيرالدين ومحمد النقيب وكل الناس تقريبا...الحل إن أي حد يمر من هنا ياخده معاه علي طول وميخافش ده سهل وبسيط خالص
شكرا جزيلا للعزيز مصطفي يحيي ....
2 comments:
إحم
مكنتش أعرف أن التاج هيسبب لك كل دة
طيب كان ممكن تقوليلي برساله ، وتعتذري عنه ..
وبعدين ، أنا كنت هعرف منين أنتي بتحبي مادة إية وبتكرهي إية ؟
وبعدين ما لو في حد ميهموش يعرف حاجات عنك ، ما كانشي جه المدونه بتاعتك ، ولو جه ولقي تاج ، مش هيقرأ
بالتالي اللي بيجاوب علي التاج ، بيوجه كلامه للي مهتم بيه ، و عايز يعرف أكتر عنه .
هو لو مش مهتم ، مش هيجي أصلا فضلا عن أنه يقرأ
وبعدين ، ما أتوقعشي خالص - لو كنتي قريتي إجاباتي عن التاج الطيب ده - أنك كنتي تعرفي كل ده عني ،
قوليلي يعني كنتي تعرفي أ . أحمد عطية منين ؟ مثلا
بس سا ستي
إختلاف وجهات نظر
معلشي :)
مصطفي
مصطفي يحيي..
أعتذر عن أيه يا فندم ده أول (وغالبا آخر تاج)يوصل للمدونة المهجورة دي ..ده أنا حتي كمان طمعت فيه وممررتوهوش لحد..الحاجة الوحيدة اللي سيببهالي أني مبسوطة بيه جدا وجاوبت أسئلته بسرعة كمان..
أنا مجرد بس كنت باعتذر عن اجاباتاتي السخيفة علشان لو حد أقراها وزهق أكون صارحته من الأول..بس معاك حق اللي ييجي ويقرا لازم يستحملني ويحتسب عند ربنا بقي..
وكلمتي عن ال(تاج) عند مدونات تانية دي مجرد ملاحظة بس ان كلام كل شخصية متناسب فعلا مع انطباعي عنها..
وبعدين طبعا عارفة إن اللي بيكتب شعر ونثر رائع كدة أكيد أ.أحمد عطية وكل أساتذة اللغة العربية في اسكندرية ومصر كلها لازم ينبهروا بكتابته أكيد
ومفيش اختلاف خالص في وجهات النظر واضح بس أني موضحتش كلامي كويس..
علي العموم شكرا جداعلي التاج وعلي وجودك ويا رب أكون وضحت معني تخاريفي دي كويس..
Post a Comment