وعلي سبيل الاستثناء والتهيييس وما إلي ذلك ...قررت أن أتحفكم بتلك الأبيات المرتجلة التي (فاجأتني ) بها جومانا عزيزتي الجميلة كأحد الآثار الجانبية المهولة للحديث مع محمد (أخويا الله يسامحه ) .. كانت بداية الأعراض عندما أخبرتني بسعادة بأنها (طلعت بتعرف تقلش!!) كما أخبرها حضرته!! ..ليتسرب إلي قاموسها ألفاظه التحفة مثله من نوعية إشطة ، وجامد فحت ،..والكثير من مصطلحاته الثرية!! ... إلي أن تفاقمت الحالة لتصل لتلك النتيجة المبهرة...قبل أن أترككم مع الأبيات لا يسعني سوي أن أقول......منك لله يا محمد!!
مفحوت أنا في قلبي خرم من ناحيتك
مستني يا حبيبي
الردام يجي يردم علي محبتك
وإييييييييييه
11 comments:
هههههههههههههههههههههههههههههههههه
ايه يا ايما دي كانت حالة شعرية لا تكرر
حالة نادرة بتحصل كل 60 سنه
ولاني شاعرة قديرة في حوالي 20 دار نشر طلبت الفحت ده
قصدي الشعر ده
وايييييييييييييييييه
اممممممممممممممممممم....مبروك ياجومانا اهو ده الكلام
كده تقدري تتنقلي على مدرسة المحترفين فحت
ربنا يوفقك يابنتي
وعقبال الاخت ايما اللي اتشرف باول تعليق ليا عندها
كان نفسي اجي في ظروف احسن من كده
رمضان كريم
رمضان كريم طبعا.. ده شيء متفق عليه مبدئيا..
مفحوت أنا..
عنوان رائع.. وشاعري جدا!
يبدو أن الحاج محمد - أخاكِ.. حفظه الله - مادة ثرية للمبدعين، علينا أن نغتنمه بحق!
بالمناسبة.. هي "قشطة" وليس "إشطة".. هذا خطأ شائع!!
تحياتي للمواهب الثلاث!
هههههههههههههههههههههههههههه
ادى اخرة اللى يعرفه يا بنتي متعرفيهوش على حد ده
كفاية احنا مستحملينه
يا حبيبى لو كنت أقدر ..
كنت أردم عليك حفرك ...
وبرغم الى انت فيه
و برغم طول قرفك ...
كنت أعادي الى عداك
و الى يدوس طرفك ...
لكن لو قلت الحقيقة ...
ما حد هايعبر ...
و لا يصبر حتى دقيقه
ومين عليك يصبر؟
علشان ضعيف النظر
قابل و عليك باقدر
يا حبيبى لو كنت أقدر ..
كنت أردم عليك حفرك ...
وبرغم الى انت فيه
و برغم طول قرفك ...
كنت أعادي الى عداك
و الى يدوس طرفك ...
لكن لو قلت الحقيقة ...
ما حد هايعبر ...
و لا يصبر حتى دقيقه
ومين عليك يصبر؟
علشان ضعيف النظر
قابل و عليك باقدر
****
يا نهار يا عمدة .. ابسطي يا ست ايما اخوكي بقه ملهم للعمدة بحاله
هههههههههههههههههه
خلاااص ياعمدة احنا نعملها مناظرة بقه ..
يا حبيبي .. يا واجع قلبي
بتقلش عليا وليل ونهار
مغلبني ..
ياكشي تولع في بعدك عني ..
العزيزة جومانا :
ايه كل الاشعار دى ؟؟
ده انا لازم ابدأ اعمل لها دراسات ...
دى مدرسة شعرية جديدة و الا ايه ؟؟
اكيد حيبقى اسمها الجومانية ... او الفاحتون مثلا ...
تحياتى
تحياتى للعزيزة ايما .. وردى هنا رغم انى متابع قديييييم ..
سلام عليكم
ايما .. راى هو التالى :
المفروض نمنع المصطلحات الجامدة دى لأنها شبابية فحت .. يعنى لما ييجى شاب روش يتكلم بيها بتبقى لايقة عليه طحن لكن أحنا بندعى الكحرتة فى الرصانة ولازم نعيش فى المود الثقافى ده ونظبط الدنيا على كدا .. مش عارف ايه التهييس اللى بقوله دا بس أكيد الدماغ اللى بتفتكس الحاجات دى دماغ قشطة ..
وإيييييييييييييييييه
منك لله يا محمد
بس بجد ضحكت من قلبى ساعة ما قريتها
فى إنتظار الجديد يا جومانا
وشكرا يا ايما على الضحة الجميلة
أحمد
وانا اضم صوتى الى صوتك
كل سنة وعمال الفحت طيبين
سنة سعيدة
جومانا حد حالم وجميل ..
إنسانة رائعة .. وعشان رائعة مش قادرة تعيش في العالم ده
أول مرة أقرالها حاجة مفرحة كده
وإن كان الكلمات برغم بساطتها وخفة ظلها حزينة
يارتها تفهم انها جميلة اوي وتبطل حزن
أحمد ..
جومانا
طيب بصفتك يا فندم شاعرة كبيرة من مدرسة الفحت الشعرية أحب أهنيكي علي قصيدتك الملهمة دي
هههههههههه
ميرسي يا جومانتي علي كل الضحك اللي ضحكته :)
محمد أمين
الشرف ليا وللمدونة يا فندم :)
الله أكرم وكل سنة وأنت طيب وأكيد دي ظروف جميلة ان جومانا تنطلق في مدرسة
المحترفين
ههههههه
نورت ويا رب تكرر الزيارة
دافنشي
الله أكرم يا فنان :)
محمد مادة ثرية فعلا..بس تغتنمه دي منصحك عشان أنت شفت النتيجة أيه!!
:)
قشدة!! فعلا :) تخيل مكنتش واخدة بالي إن (إشطة ) دي هي نفسها (قشدة ) الفصحي !!
هههههه
طيب نعتذر عن الخطأ يا فندم...بس بيتهيألي مجارا لجو التهييس ده ممكن أحطها بين قوسين وأسيبها للعبرة كدة عشان تتفهم :)
وتحياتي بالنيابة عن المواهب التلاتة :)
محمد ياسر
معاك حق يا محمد والله :) أنا عارفة أنتم مستحملينه إزاي الولد
ده!!:)
محمد عثمان جبريل
العمدة بنفسه هنا!!التدوينة دي بجد حدث استثنائي للمدونة عشان حضرتك شرفتها ..وطبعا أبيات للعمدة في مدونتي حصريا ده حدث يستحق احتفال خاص كمان :)حتي لو كانت من وحي ...مفحوت أنا!!
نورت المدونة
:)
جومانا
ههههههههههه
جميلة المناظرة دي يا ريت تكمل :)..بركاتك يا محمد
الباحث عنها
أيوة يا فندم دي مدرسة الفحت الشعرية :)
سعيدة جدا بتعليقك الأول هنا يا مهند وبتشريفك المدونة بمتابعتها
:)وتحياتي أيضا
عزيز
يا خبر دي عدوي محمد أكيد !!هههههههه
طيب بعد كل الكلام الخطير جدا ده شكرا أنا كمان علي الضحكة دي
:)
مصطفي السيد سمير
يبدو أنها تدوينة الشعراء المتميزين :) نورت المدونة بوجودك وكل سنة وأنت طيب ..عمال الفحت كمان طيبين :)
أحمد
جومانا حالمة ورائعة بالتأكيد.. وأنا كمان أول مرة أقرالها تهييس زي ده وعشان كدة استغليت الفرصة
هههههههه
تحياتي ونورت المدونة
Post a Comment