عندي هواية غريبة شوية..باحب تترات المسلسلات..ساعات أكتر من الأغاني العادية...يمكن لان الكلام دايما له طعم تاني...دا تتر مسلسل (كناريا وشركاه)...مش أحسن حاجة باحبها بس جه علي بالي النهاردة..
دي دمعة من قلبي ع الخد جارية..
ولا دي بسمة..نسمة ..في مسامي سارية..
لا لا دي أرواح طاهرة طايرة ف براح..
وذكري عمر ف توهة وف توبة راح..
يا قلبي عيش مع زقزقات الكناريا...
بين دنيا تايهة جروحها في روحنا غايرة..
وأماني فايرة بدنيا تانية مغايرة...
فيه إلة( قِلة) جايرة وإله غايرة ومعايرة...
والناس مسايرة وحايرة أو فاهمة قارية..
ويا قلبي عيش مع زقزقات الكناريا...
يا قلبي عيش مع زقزقات الكناريا..
بين رهبة م التوهة وتوبة برغبة..
سددنا دينا وغيرنا أغني وأغبي..
وقلوب مصاحبة الحق صاحية ومشاغبة..
وقلوب تدوب ف قلوب ولا هي دارية...
ويا قلبي عيش مع زقزقات الكناريا...
يا قلبي عيش مع زقزقات الكناريا..
طبعا كلمات سيد حجاب ..بيغنيها علي الحجار
دي دمعة من قلبي ع الخد جارية..
ولا دي بسمة..نسمة ..في مسامي سارية..
لا لا دي أرواح طاهرة طايرة ف براح..
وذكري عمر ف توهة وف توبة راح..
يا قلبي عيش مع زقزقات الكناريا...
بين دنيا تايهة جروحها في روحنا غايرة..
وأماني فايرة بدنيا تانية مغايرة...
فيه إلة( قِلة) جايرة وإله غايرة ومعايرة...
والناس مسايرة وحايرة أو فاهمة قارية..
ويا قلبي عيش مع زقزقات الكناريا...
يا قلبي عيش مع زقزقات الكناريا..
بين رهبة م التوهة وتوبة برغبة..
سددنا دينا وغيرنا أغني وأغبي..
وقلوب مصاحبة الحق صاحية ومشاغبة..
وقلوب تدوب ف قلوب ولا هي دارية...
ويا قلبي عيش مع زقزقات الكناريا...
يا قلبي عيش مع زقزقات الكناريا..
طبعا كلمات سيد حجاب ..بيغنيها علي الحجار
6 comments:
رائع!
مش هواية غريبة ولا حاجة.. أنا كمان عندي الهواية نفسها..
خصوصا لما يكون الشاعر سيد حجاب أو حد مبدع كبير زيه.. هو ده حل بالجأ ليه لأني لا أجد له أي دواوين منشورة للأسف..
من يعرفني، يعرف أن كلمات أغنية مثل هذه ولسيد حجاب أيضا، تعد هدية غالية بالنسبة لي..خاصة أني لم أتابع هذا المسلسل ولم أعرف بشأن هذه القصيدة..
شكرا على هديتك الرائعة يا إيما :)
أهلا دافنشي
حقيقي أنا اللي ألف شكر بجد.. كنت بافتكر اني غريبة فعلا ..كلمات المسلسلات وبرامج الأطفال أجمل من أغاني كتيرة وكلامها له طعم ومش متكرر..سيد حجاب ده ساحر ..عارف من القصيدة كأنك شفت المسلسل ..علي العموم طالما عجبتك ان شاء الله هاحط كلمات تترات كتيرة هنا..كلمات النهاية كمان أهي يا رب يعجبك
يا زقزقات الكناريا
دنيتنا بايعة وشارية
فينا وبتصحي فينا
جروح ماضينا الدفينة
واحنا في توهة وهارية
دنيا شقا كالميعشها
والخوف راعشنا وراعشها
ووحوشها طيشها ناعشها
ونافشة ريشها وضارية
يا زقزقات الكناريا
عدوة ولا صديقة
يا دنيا دا الناس في ضيقة
بس الحقيقة المضيئة
أحكامها عل الكل سارية
امتي الوحوش في جحورها
يترد كيدها لنحورها
والدنيا تصفي بحورها
بين السمك والبيساريا
يا زقزقات الكناريا
شكرا دافنشي ويا رب تنور هنا دايما
لا والله مش عارف أقول لك إيه!
ده كنز حقيقي بجد!
عارفة.. انا باعتبر الأغاني دي قصائد.. وباحب أقراها مكتوبة زي الشعر بالضبط.. المشكلة ان النت كله ما فيهوش غير حاجات قليلة جدا لعم سيد حجاب.. وبرة النت دواوينه مش لاقيها!حاجة تغيظ!
سألته من قريب لما شفته في الساقية عن دواوينه رد بأسف إن مافيش غير الحاجات اللي اتطبعت زمان!
حرام!
سيد حجاب مش بس أعماله يتعاد طبعها.. ده المفروض الناشرين يتخانقوا عليها..
قلت له خلاص.. ندور في سور الأزبكية..
ودورت.. مفيش!!
مفيش غير اننا نكتب..
هشان كده أنا مش عارف أشكرك ازاي..
ألف شكر :D
جميل تعليقك👌🖤
اتفق👌
❤️ع
Post a Comment