ليلاتي في المعاد ده...
ينعاد عمري اللي عدى
ينعاد عمري اللي عدى
والقى الماضي اللي عدى
ع الحاضر يستعدى
ع الحاضر يستعدى
والحزن في قلبي ناخره
والريح ناح فوق سطوحي
والريح ناح فوق سطوحي
ويا بوي عالليل وآخره
لما تصحى جروحي
لما تصحى جروحي
أدعي لله تعالى
يطفى شوقى وحنيني
يطفى شوقى وحنيني
يا فجر يا جاي تعالى
زيح حمل تقيل حانيني
زيح حمل تقيل حانيني
ليضيع كنزي اللي داخره
ونوحي يا روحي نوحي
ونوحي يا روحي نوحي
ويابوي عالليل وآخره
لما تصحى جروحي
الليل وآخره...سيد حجاب
لما تصحى جروحي
الليل وآخره...سيد حجاب
9 comments:
سيد حجاب شاعر جميل
و مدونتك جميلة قعدت اقرا اللى فيها
تحياتى
أهلا محمد
سيد حجاب رائع..والليل وآخره ليها طعم مميز عن كل كتاباته كمان..
مبسوطة بجد ان المدونة عجبتك..أنت كمان مدوناتك كلهم حلوين
ميرسي علي تعليقك الجميل ويا رب تعجبك الحاجات هنادايما
معلش يا إيما.. أنا المرد دي جاي أرخم!
أولا الغنوة عندي وسمعتها كتير طبعا هي والأغنية التانية.. هي من أروع الأغاني التي كتبها عم سيد.. أثبت فيها براعة غير عادية في الكتابة باللغة الصعيدية، ربما تفوق فيها على الأبنودي نفسه..
طيب.. جينا بقى للرخامة..معلش.. أنا مدرس عربي ومصحح لغوي، لكن لا أحب التصحيح لأحد سيشعر بضيق من تصحيحي.. لكنني سأخاطر هذه المرة، على أساس أنها المرة الأولى التي أرخم فيها عليكِ.. وتعيشي كده وتشوفي مني رخامة كتير إن شاء الله!
شوفي يا ستي..
صحيح هي عامية لكن برضه ليها قواعد في كتابتها..
كلمات مثل "ألقى" و "قلبي" و "فوق".. القاف التي ينطقها الصعايدة جيما، تُكتب قاف وليس جيما..
ولو فتحتِ أي ديوان عامي للأبنودي مثلا، ستجدين ما أقول..
بس كده.. !
جمـيــل يا جميييل
تسلم إيــدك :)
أهلا دافنشي
أيه الكلام الكبير ده؟؟..رخامة!! وضيق!!!وتخاطر المرة دي !!!!!
رخامة أيه بس يا فندم هو حد يطول يلاقي حد يصححله؟؟ أكيد هاكون مبسوطة وممتنة مش أشعر ضيق ورخامة والكلام الغريب ده!!
أنا أصلي كتبتها كدة دندنة ومش عارفة ليه كتبتها بالطريقة العبيطة حقيقي .. هي الكتابة بالعامية صعبة جدا ومتعبة بصراحة ومش عارفة استسيغها لحد دلوقت..
مدرس لغة عربية حقيقي ..بتدرس لمرحلة أيه ؟؟ ...يااااه ..ربنا يمسيهم بالخير ويديهم الصحة يا رب مدرسين العربي بتوعي كلهم .. ويكرمك أنت كمان يا رب وتعيش كدة وتصححلنا علي طول
أهلا إبراهيم
ميرسي جدا يا فندم بس مين جميل ده؟؟؟
الله يسلمك ومنور دايما بجد
كويس والله انك واخدة الأمور كده يا إيما.. أصلك ماشفتيش المواقف اللي قابلتني لما كنت فاكر ان ده الطبيعي.. ما علينا..
أنا ياستي مدرس عربي مع إيقاف التنفيذ!
حاليا مش شغال في مدرسة.. شغال تصحيح لغوي بس.. لكن أنا مدرس إعدادي..
مش عايزة تاخدي درس؟
مواقف ليه بس؟؟طبيعي إن أي حد بيغلط وجميل أنه يلاقي اللي يلفت نظره لاخطاءه والمفروض يكون الرد هو الشكر..ربنا بيقول(هل جزاء الإحسان إلا الإحسان)..علي العموم اللي مش بيحب يشوف أخطاءه أو مش بيتقبل النصيحة هو الخسران ببساطة..
آخد درس؟؟؟ ممكن بعد ما الكلية خلت الواحد لغته مضمحلة كتير ..مع إني رفضت آخد درس في عربي وباصرار في الثانوية العامة واكتفيت بالمراجعة بس علشان مش معقول الواحد ياخد درس في لغته!!
الاخ الانسان, الاخت الانسانة:
نحن نعتقد بنسبة 90% ان كل واحد منا يبحث عن صديق يحكى له همومه و يستشيره فى بعض اموره الخاصة خاصة بعدما اصبحت الحياة مليئة بالمشاكل والامور المملة الراتبة, و طبعا تكون السعادة غامرة عندما نجد هذا الشخص وتزداد الفرحة عندما ينصت لنا باهتمام و يتجاوب معنا بما يملك من اراء و خبرات و تجارب بشكل محايد و متجرد
ولان هذا واقعنا كلنا.
قررنا ان نتخذ خطوة ايجابية فى هذا الامر و ان نكسر حاجز الصمت و الامانى بان نستمع الى الاخرين بآذان صاغية و ان نتناقل خبراتنا و ارائنا و تجاربنا و ان نوظف المواهب التى حبانا الخالق بها بشكل مفيد و محايد و فعال.
و نحن نتوقع ان تكون الفائدة كبيرة بسبب ان فريق (مش لوحدك) مر بتجارب عديدة و متنوعه فى الحياة منها تجارب فشل و تجارب نجاح و علاقات عاطفية وعلاقات جنسية و تجارب مع العالم الآخر (الجن) و تجارب اسرية و تجارب وظيفية ........الى آخره من التجارب التى نمر بها جميعا فى حياتنا.
احنا مين:
احنا مش علماء ولا اطباء ولا موجهين .ببساطه ,احنا مجموعة شباب ولاد و بنات اللى جمعنا اننا كلنا بندور على صاحب و كمان ان كل واحد فينا عنده تجارب نفسه ينقلها لغيره,فقررنا اننا لا نكون وحدنا و نتفاعل مع باقى البشر اللى احنا محتاجين لهم و هما محتاجين لنا.
عايزين نوضح حاجه:
ان الهدف ليس التوجيه او علاج المشاكل او القيام بدور الطبيب النفسانى, وانما الهدف هو الاستماع للأخرين (وهذا فى حدذاته نجده فائدة عظيمة,ان يجد الانسان صديق يحكى له همومه و مشاكله) و نقل الخبرة و التجارب و نحن نستعين فى ذلك بتجاربنا الشخصية الكبيرة و بعض التجارب النظرية التى نراها مفيدة لكل رسالة على حدا.
كما انه من الممكن ان يكون التواصل مستمر و لايشترط ان يكون مرة واحدة وايضا يمكن الاستمرار فى اجراء المناقشات بالرسائل حول نفس الرسالة الى ان نشعر باننا وصلنا الى الفائدة المرجوة.
لذا نرجوا من كل من يشاركنا ان يعتبرنا صديقه المخلص الذى يجده وقت الحاجه دائما الى جواره.
وللعلم:
الرسائل التى نتلقاها تكون بيننا فقط و غير قابلة للنشر, ونحن نتعامل مع كل رسالة على انها انسان يحتاج الى صديق كما نحتاج نحن ايضا الى اصدقاء.
نشكركم على قراءة الرسالة و نحن فى انتظار رسائلكم على البريد الالكترونى ده: meshlewahdak@hotmail.com
فريق: مش لوحدك
انا جاي اقول لك اني عرفت مدونتك بالصدفه البحته لإني كاتب موضوع اسمه مش معادي فكنت بدور على صورة احطها ولقيت الصورة دي في جوجل وعجبتني ودخلت اخدها فلفت انتباهي المدونه وقريت فيها وبجد تحفه
وطبعا انا خدت الصورة
وتحياتي
Post a Comment