وحين تأتيني من جديد...
تحتكر الصمت والجهامة
وتمد لي يدا بالسلام والقسوة
ولا تدري أن يدي مشغولة بإخفاء زهرة
قلبها صورتك ونثار قلبي...
*******
فجأة...
يبدأ التيار يتسارع
نحو الأحمر والأخضر
والأصفر والنفسجي
آه.....وآه.
سوف تقولون أنها خيالات
أبدا
"وحياة أمي"
"وربنا المعبود"
لم تكن
كانت زهر وورد وبنفسج
وفل وياسمين وقرنفل
وفي غمرة الوهج لا يتحدث
"هزيلة هي الكلمات في حضرة الوهج"
سأجعلها شعار المرحلة
وعند أعلي نقطة من قمة الهرم
أتوقف للحظة
وأخرج لساني
لكل الطرق التي مهدت من قبل
وأجزم أنني أشعر في المدينة الغريبة
والتي لا أعرفها حق المعرفة
بمنتهي الأمان
بمناسبة العيد اخترت هذه المرة مقاطع من (ارتحالات اللؤلؤ ) مجموعتي المفضلة للمبدعة نعمات البحيري :)
8 comments:
جميلة هي اختياراتك
والمقطوعة دي تحديدا
ولو اني مش عاجباني قوي حكاية وحياة أمي
خرجت بيا من سياق الشاعرية
كل سنة وانتي طيبة
ايما الجميلة
كل سنة وانتى طيبة
جميلة الكلمات دى
احتجت انى أقراها أكتر من مرة علشان أوصل لمعناها
والجميل ان المعنى وصلى فى هيئة احساس
يعنى ماينفعش أشرح مثلا الكلام ه أو أفسره
برضه موضوع العامية الدخيلة لم يعجبنى
الصورة حلوة أوى متهيألى ايمان المالكى برضه..؟
اين هو الامان يا ايمان ؟
السلام عليكم ورحمة الله وبركاته
الاخت الكريمة ايما
تعليقي هذه المرة ليس عن الكلمات لكن عن الصور
اختيارك رائع
تكفي الصور لتثير في النفس ما تثيره الكلمات والابيات التي تختارينها
صورة خير من الف كلمة
انا فاهمة الفكرة بس مش عارفه .. مش عاجبانى الكلمة .. يمكن مش مركزة
شوفك السبت باذن الله يا قمر
طبعًا أنا دخلت هنا قبل كده ...
ويمكن قلت لك ف سري ،، كـل سنـة و إنتي طيبـة وجميــــل ... يا إيمـــا
.
.
تسلم اختياراتــك
جميلة المقطوعة .. و جميلة مختاراتك المتنوعة .. متهيالي البوست كان قبل وفاة كاتبتك المفضلة مباشرة .. تقبلي تعازينا .. رحمها الله
البلوج كأنه منسي فعلا ليه
zai ma tkony `7agola awi aw baseta awi aw ... fahma awi
:)
مصطفي السيد سمير
وأنت طيب وبخير دايما :) ..وسعيدة إنها عجبتك -مع التحفظ- يمكن لأنها غريبة علي جيلنا كمان القسم بالأم
تحياتي
حنان
وأنتي طيبة وبخير يا حنونة :)
سعيدة إنها عجبتك يا جميلة والصورة فعلا لإيمان مالكي أنا نسيت أنوه في التدوينة
جومانا
موجود يا جومانتي ..صدقيني رغم كل حاجة ممكن نوجده زي ما هي - رحمها الله - سابت القاهرة بكل إزعاجها واختارت تعيش في مدينة كانت وقتها غير مأهولة تقريبا ..واختارت وسط كل ده تحس من جواها بالأمان
د.تشاندرا
وعليكم السلام ورحمة الله وبركاته..أهلا بأخي العزيز :)
سعيدة جدا جدا بتعليقك علي اختيار الصور وطبعا إيمان مالكي مبهر في كل لوحة ..أتمني الكلمات كمان تنال إعجابك بعد كدة
شغف
مش عارفة يا منيرفتي إقريها تاني يمكن ...أنا باحبها جدا المقاطع اللي اخترتها دي
وطبعا بما إني اتأخرت في الرد هاقولك شكرا مش كفاية علي السبت الساحر ده إن شاء الله نكرره قريب :)
إبراهيم
وأنت طيب وبخير يا رب :)ومنور المدونة بعد غياب :)
يوسف
أهلا بيك في المدونة :)
سعيدة جدا إن مختاراتي نالت إعجابك
فعلا التدوينة كانت قبل وفاتها بأيام ويمكن ده السبب في تأخري في الرد ..ربنا يرحمها ويسكنها فسيح جناته ..شكرا علي التعزية
الحقيقة مش عارفة اختار بس أتمني أكون بسيطة أوي أوي :)
نورت المدونة :)
Post a Comment