شخبطة علي دكة...بداية غير تقليدية ليوم مكرر

رمضان كريم عليكم جميعا :)

من فترة فكرت في فكرة معينة ..ثمة أشعار وخواطر تفاجئني بجمالها حينما أقرأها .. قصائد لأدباء شباب أو لمدونين أو ...منشورة علي الانترنت ..بعضها احتفظ به علي الكمبيوتر وبعضها يتسلل ببساطة للذاكرة ..أجمل الأشعار هي ما تخط نفسها بنفسها علي روحك وذاكرتك ! تلك قاعدة عرفتها منذ الصغر مذ كان جمال النص بالنسبة لي يعني أن أقرأه فأحبه .. فيصير ملكي ..طوع ذاكرتي من دون جهد استعيده متي شئت.. المهم... فكرت أنني بحاجة لأن أشارك مدونتي وزوارها ما أحب :)... ومن ثم قررت أن أبدأ وعلي تدوينات متتابعة بعرض مفضلاتي الجميلة من الأشعار والخواطر


سأبدأ بتلك القصيدة التي فاجأتني كحدث غير تقليدي ليوم تقليدي جدا - عيد ميلادي السابق - ومنحت يومي بداية ساحرة حقا .. راسلت صاحبها أستأذنه في نشرها هنا فتفضل مشكورا بالموافقة :)

القصيدة للشاعر مصطفي حسان ومنشورة علي مدونته هنا

القصيدة...من شخبطة علي دكة تلميذ ابتدائي

ما اعرفش اقولِكْ وارسمك ..

أنا أصلي عايش من زمان

تلميذ بليد بتعلِّمك ..

إنتي الصراحة المغريه ..

وإنتي الحقيقة المؤلمة ..

يا طلة النور م السما ..ما اعرفش اقولك إنما ..

بيقولوا عنك في المدارس ..ملهمة......

يا لخبطة آخر النهار ويا المسا

يا طعم شخبطة العيال في المدرسه ..

بتعلميني ان الخطايا

مش في مفهوم البشر ..

يا لون تفاصيل السهر ..

ساذج قوي شكل الكلام

..إزاي هاقول عنك قمر..

آخره يادوب ليلة تمام ؟!....

قالوا زمان ..الصمت حكمه .

علمي قلبك بقي

علشان ما بعرفش اقنعه ..

ماهو برضه يعني الليل بيسكت

واحنا دايماً نسمعه .....

بسمع في صمتك

زقزقة عصافير كتير بيسبّحوا ..

يا ريحة الماضي البعيد

أول ما قلبي بيفتحُه ..

قدام عيونك ليه بكون

تلميذ بليد دايماً عيونه بتفضحه ..

عايزاني أقول انك ربيع

مفرود على وشوش البشر

والشمس تطلع كل يوم تستقبلك ؟!

تطبع على عيونك .. قبول .

يا بصة النور م الضلام

ما اعرفش اقول

يمكن عشان الدنيا دايماً تبقى برد ..

وبيبقى نفسي افرد مساحة

تخش منها الشمس ليا .. ومش لحد ..

يمكن عشان طعم الكلام

مش حلولما يكون بجد ....

يا كل ألوان الحاجات المدهشة

انتي الربيع .. وانتي الخريف

أنا مين عشان أوصف قدر

أنا تهتهة عيل بيتلخبط كتير

علشان يكوِّن في الحروف ..

وإزاي أقولّك كلمتين

يا شهوة الحب العفيف .....

ما يغرّكيش حبة كلام

أوقات كتيرة بنشطبه

الشعر ضي من الوجع

بنجمله .. ونرتبه

وعشان كده

خليني اشوفك بره مضمون القصيدة

عشان بجدْ ..

كل الأحبه بيكدبوا ..

الصورة لإيمان مالكي