عيد سعيد

كل سنة وأنتم طيبين

:)

نهاية

..........

....برغم اختلاف الحكايا.....
...يبقي لسطور النهاية دوما.....
عش ما شئت فإنك ميت....))
........وأحبب من شئت
((.......فإنك مفارقه
.........

فراشة

فراشة

أكون وسيما.. وأنتِ معي

أنا لست أملك ألا أضيء

إذا أذن الله أن تسطعي

وليس بوسعي ألا أجيء
وليس بوسعِكِ أن ترجعي

فلا البحر ينكر أمـواجه

ولا العين تـكفـر بالأدمعِ

فقيرٌ أنا
غير أن النجوم
تنام وتصحو على إصبعي

ولست وسيمـًا

ولكنني

أكون وسيمـًا وأنتِ معي

الشاعر أحمد بخيت

كل رمضان وأنتم بألف خير

كل سنة وأنتم طيبين

كل رمضان والمسلمين في كل مكان طيبين

كل رمضان والعالم كله أحسن

رمضان كريم علينا كلنا يا رب

اللهم ارزقنا الإخلاص واليقين

اللهم تقبل صيامنا وقيامنا يا أكرم الأكرمين

رمضان كريم

:)

لمحات من..مخبأ الملائكة.

الموت الأخير


ثمَّةَ أشياءٌ
.لا نعتادُها

نموتُ
كُلَّ ليلةٍ
مؤقتًا
لكنّ موتنا الأخير
يفجعُنا
.دائمًا

لي خلف المجرَّات إخوة وعلى الأرض أصدقاء

تُؤَرْجحُني

في فضاءٍ

كملاكٍ

لَهُ
خلفَ المجرّاتِ

إخوةٌ

وعلى الأرضِ.

أصدقاء

أغنيةُ آخرِ المساءِ وأوّلِ الليلِ

تهزّفي الروحِ

أغصانًا

تطيّرُ الموتَ.

تطربُ الصمت

ضَحِكُ الأصحاب

ِيقودني لبكاءٍ منسيّ

لأدراجٍ مغلقةٍ

على أطفالٍ

يشعلونَ دموعَهُمْ

ليستأنسوا

الدخانُ

وطن

ٌفي الخلاءِ.

يتلاشى

الجرح

قمرٌ برتقاليّ

تشعلُهُ الجمرةُ.

ليتجلّى

الماءُ يضحكُ.

وحيدًا في القاعِ

الأصحابُ

يضحكونَ

عاليًا.

يلامسونَ الفرح

الفوانيسُ

والنباتاتُ

متدليةٌ من السقفِ.

ظلاًّ لجنّةٍ بعيدةٍ

أيقوناتُ الغربةِ

متدليةٌ من جبيني

ضوءاًلعتمةٍ.

صرفتُ في سوادِها

طفولتي

بكاءُ النهرِ خَفَتَ.

يبدو أنّ الأسماكَ نامَتْ

الريحُ.

ما زالت تهدهدُنا

.هل نغفو؟

الخروج من اللوحة

حينَ لامَسَتْ قدماي

أرضَ واقعِها

على السجّادةِ المجاورةِ

لسريري

خطوْتُ خارجَ اللوحةِ

التي رسمتُها لعمري

ومنذُ ذلكَ الصباح

وأنا أدورُ

حولَ نفسي

كنقطةِ ضوءٍ.

على جدارٍ شفيف

جرح

كنتَ تلملمُ أشياءَكَ
المبعثرةَ في حجرةِ الفندقِ
وتجمعُها
في حقيبةِ سفرِك
:حينَ أردتُ أن أسألَك
هل لديكَ"
مكانٌ
يتّسعُ
"لشيءٍ صغير؟
لكنّكَ كنتَ تشكو
من كَثْرَةِ أشيائكَ
.ومن صِغَرِ الحقيبة

من مملكة الشاعرة سوزان عليوان

يوم جميل..

يوم جمييييل........

...وبس

:)

بننجرح..

(2 )

ببنجرح

طب ليه بنجرح بعض

وليه يكون الشوك

هو الدليل ع الورد

وليه يضيع عمرنا

بين الجراح والويل

وإحنا اللى كان حلمنا

الفجر بعد الليل

وليه يطول صبرنا

من غير أمل فى دليل

وإحنا اللى من حقنا

إن الامانى تميل

. .

(1 )

بننجرح..كل يوم لكن

بيفرحنا

إن إنت جوا القلب ساكن

فى أفراحنا

وأنت الأمل فى العيون

والنشوى ساعة الجنون

وإياك تكون زيهم

ونهون وتجرحنا

دا أنت الوحيد منهم

تقدر تريحنا

محمود رضوان

بالأمس حلمت بكِ..

(يا وجهها الحلوا..ما زلت أفتقدك....)

أمل دنقل..

"خديني جنبك"
يطل علي وجهها الحبيب مغلفا بابتسامة فأطير فرحا لمرآها .. تفاجئني ضحكتها المتألقة الخالية من آثار المرض الطويل .. تتعلق بيدي فأساعدها لتتمدد إلي جواري .. تتوسد ذراعي وتضحك وأضحك ولا ندري من أين يبدأ الحكي ولا أين ومتي ينتهي وتنتهي تلك الليلة..

أصحو علي ابتسامة لا تلبث أن تزول حينما أحدق بالفراغ الذي احتضنه.. أرنو إلي فراشها الحبيب .. فراشها البارد الموحش منذ فارقته.. أفيق من حلمي و..

صباح حزين آخر لا يشرق فيه وجهكِ الجميل.. أستسلم لطقوس الصباح الكئيبة .. أتشاغل بكوب الشاي الصباحي لكنني لا ألبث أن أتذكر آخر مرة مارست فيها عبثي الطفولي لأضيف لمحة من الإثارة الساذجة لواقعك الذي لن يتغير...
بدايات الصباح البكر ..أتصنع الهمس وكأنني أخطط لمؤامرة ما، بينما تتابعني عيناك التي أعرف أن النوم لم يزرهما غالبا ليلتها كما يحدث كثيرا.." يلا قومي نفطر مع بعض .."..أخفض صوتي أكثر..."أنا وأنتي بس ..أوعي تقولي لحد.."..

شاي بالحليب ..إفطارك الذي ربما تكمليه فقط بعد الكثير من الإلحاح .. أبتسم برغمي وأنا أتذكر عينيك الطيبتين الصغيرتين حينما تتعلقان بأكمام ثوبي- المثنية دوما إلي ما فوق ساعدي – التي تثير إهتمامك دوما قبل أن تمتد إليهما يداك الواهنتان الصبورتان برغم المرض –بينما أتابعهما أنا بابتسامة وكثير من الأسي - لتفرديهما بعد جهد ..أضحك وأنا أغمغم "يلا اللبن هيبرد..مش عايزين لعب بقي.."...

أمام المرآة أثبت حجابي تأهبا للنزول .. يطل وجهك من جديد فأسترجع كلمات كثيرة قيلت عن تشابهنا .. شبه؟؟ أفتش بين ملامحي عما عساني قد ورثته من ملامحك ..لا أصل لنتيجة محددة.. ربما هما عينيك ..ربما جزء من روحك هو ما ورثته .. ربما ليس شبها وإنما تلاقي .. لا يهم .. ثمة شيء منك بداخلي وهذا كاف جدا لي... أنتبه للوقت الذي تأخر.. لا أنسي أن ابتسم ..ابتسامة وقائية تفي بالغرض رغم أنها لا تخدعني حينما أراها علي وجوه الآخرين..و..
يوم آخر طويل لكن بلا معني من دونك يا صغيرتي.. يلاحقني طيف وجهك بكل لحظة .. أحاول أن أصطفي من بينها لحظات السعادة الكثيرة ..لكن طيف اللحظات الأخيرة يقرر ألا يترك لي حق الاختيار .. يقولون أن الرحيل صعب دوما .. لماذا بدا كل شيء سهلا هكذا .. لماذا بدت اللحظة كأي لحظة .. لماذا صار كل شيء بعدك مملا وفارغا وخاليا من كل معني ...

وليل آخر أرجو أن أراك فيه من جديد..بالأمس كنت معي .. لم يكن حلما .. أعرف الحلم حين أراه .. تعرفين أني رأيتك بحلمي أكثر من عشرين مرة ؟؟ تهاويم عقلي المرهق تعيدك إلي في كل مرة بحلم مرهق حزين مثلي.. لكن الأمس كان مختلفا.. كنت أنتِ معي بكل روحك .. تقولين أني كنت أحلم ؟؟ وأن الراحلين لا يعودون من جديد؟؟ ..حسنا يا صغيرتي لن نختلف.. لا يعنيني إن كان حلما أم صحوا .. يكفيني أنك كنتِ معي .. ليس أجمل من يوم يبدأ برؤياك .. حتي ولو كان حلما كلي رضا عن يومي ... فقط لأنني... بالأمس حلمت بكِ...

ملحوظة .. طبعا لست بحاجة لأن أقول أن العنوان الذي اقتبسته –إحم..أعني سرقته بمعني أوضح- هنا هو عنوان القصة والمجموعة القصصية الشهيرة (بالأمس حلمت بك) للروائي المبدع بهاء طاهر..

23

مدونتي ..عشان بس متزعليش مني وتقولي إني نسيتك (مع إنك منسية وحرة :) ) في يوم زي ده ومفتكرتكيش بأي كلمة.. و كمان علشان دايما بتحسي إني مش متعودة عليكي وبشاركك بحاجاتي المهمة ..أديني افتكرتك النهاردة رغم إنك عارفة إني مش ليا مزاج للاحتفال .. وعشان متحسيش إنك مختلفة عن المدونات التانية في حاجة أنا جيتلك في عيد ميلادي أهو وعلي سبيل الجنان باكلمك شخصيا عشان ميكونش في نفسك حاجة بعد كدة :).. كل عيد ميلادي وأنتي طيبة

تاج يبدأ من هناااااك...

كان فيه حاجات كتيرة عايزة أعملها أو أكتبها هنا في الأجازة المزعومة بتاعتي دي بس واضح إن الوقت المكهرب مش هيسمحلي بكتير .. علي العموم أول حاجة كان لازم أعملها هوا تاج من دافنشي ولأنه تاج مختلف فعلا أجلته عشان أجاوبه بروقان

لما بتشوف واحدة جميلة قوي بتشيل عينك بعد قد إيه؟

بشيل عيني علي طول عشان أنا مش باحب أطول بعيني علي حد لإنها عادة سخيفة وبتحرج الشخص ..لو جذابة أوي كدة (بمقاييسي أنا يعني ) ممكن أتأملها مرة تانية لما تبعد شوية عشان مكونش باضايقها ..


لو لك 3 أمنيات هيتحققوا.. هيكونوا إيه؟ (بس حاجة خاصة بك أنت)؟

أمنيات ؟؟ امممم...ساعات بيبقي علي بالي 100 حاجة وساعات زي دلوقتي كدة مش في عقلي حاجة معينة.. كان فيه 3 أحلام ناس حلمتلي بيهم من فترة وحكولي عنهم أتمني انهم يتحققوا اتنين منهم بخصوص الدراسة والتخرج وكدة ..

آخر مرة بكيت؟
آخر مرة بكيت بكاء حقيقي كان من حوالي 8 شهور .. وآخر مرة مبتسرة كان من شهر تقريبا..

إيه أكتر حاجة بتحبها في نفسك؟
:)

مش عارفة ليه لما شفت السؤال ده افتكرت مشهد في مسرحية كارمن ..لما كانت بطلة العرض (سيمون )بتحاول تقول للمخرج (محمد صبحي ) أكتر صفة عاجباها فيه ومكنش سايبها تقول وتقريبا قال كل الصفات الكويسة في الدنيا عن نفسه...رغم إن ده مشهد كوميدي في مسرحية بس بيتهيألي ان الحقيقة دايما إننا بنفترض في نفسنا صفات مثالية كتير الله أعلم موجودة ولا في خيالنا وبس.. طيب بصراحة مش عارفة أجاوب .. يعني مثلا حاجة باحبها بس مش لازم تكون أكتر إني غالبا مش سهل أيأس ودايما عندي أمل في كل حاجة إنها تبقي أحسن مهما كانت صورتها قاتمة..

أكتر حاجة بقى بتكرهها في نفسك؟

التردد ..أكتر حاجة مزعجة في الدنيا .. القلق والخوف .. هما أصلا مش طبعي بس لما يبقي في ظروف تخليني أقلق بتبقي أكتر حاجة باكرهها في الدنيا .. وحاجات تانية أكيد بس مش فاكرة دلوقت ..

أسوأ حاجة عملتها؟
أسوأ حاجة عملتها !! مش عارفة !!سؤال غريب شوية !!

مبادئك.. ثابت عليها؟

آه .. أو اللي متأكدة منه إني بأحاول أكون ثابتة عليها علي قد ما أقدر..

لو رجع الزمن بيك مين الشخص اللي تختاره أنك متقابلوش؟

مفيش .. ماقبلتش حد وحش أوي لدرجة إني أتمني ما أقابلوش ..ويا رب ما أقبلش حد كدة..

لأي مدى ممكن تضحي ؟
هوا سهل إني أقول لآخر مدي لإني باتكلم .. بس أتمني يكون ده الواقع فعلا لو حصل موقف يستحق التضحية ..

بتبكي من غير سبب؟

غالبا لأ لأني مش بأعرف أبكي كويس أصلا ..(البكاءُ لا يتّسعُ لدمعي ) زي ما بتقول سوزان عليوان .. بس البكاء (لجوة) ممكن ..ساعات ممكن تكون أسباب مش واضحة أو تجميع لأسباب تانية سابقة ..

أنت قوي؟ (في تصنيفك لنفسك )؟

آه .. حتي في أوقات الضعف الكتيرة ربنا بيقويني دايما عشان كدة ممكن أعتبرني قوية ..

وبس كدة...
هأمرره لمنيرفا مبدأيا ويا رب تبطل كسل وتجاوبه هوا والتاج التاني ..أعتقد دافنشي مرره لكل الناس بس تأكيدا يعني كل اللي يعدي هنا وموصلش ليه يتفضله طبعا..
:) شكرا يا فنان

ما حاكيتنا العصفورة

بيتك يا عصفورة وين؟

ما بشوفك غير بتطيري

ما عندك غير جناحين

حاكينا كلمة صغيرة

ولو سألونا بنقولن....

ما حاكيتنا العصفورة

محمد

يبقي وحده.
يخرج ملابس أبيه ، يتأملها قليلا ، يلج داخل السترة ، يعلق رباط العنق ، يدخل في الحذاء الكبير ، يرتدي رجلا واحدة من السروال.
يقف أمام المرآة ، بقلم الزينة يرسم لنفسه شاربا ، يضع علي عينيه النظارة السوداء .
يتأمل صورة والده علي الحائط ، صورته في المرآة ، يجري بعض التعديلات علي صورته الجديدة.
يطمئن إلي شكله، إلي ..
يمسك بسماعة الهاتف ، ويدير القرص..
"إزيك يا ماما..أنا بابا ..والنبي تعالي وأنا مش هازعلك تاني خالص..تعالي عشان محمد بيقعد لوحده يعيط علي طول..وأنا مش باعرف أعمله السندوتشات.. تعالي عشان محمد بيحبك قوي، ونفسه إن انتي تيجي.. والنبي يا ماما..والنبي".





القصة للأديب الشاب محمد صلاح العزب..من مجموعته (لونه أزرق بطريقة محزنة) ..لمن
لم يقرأها هناك وصلة لتحميل الكتاب علي مدونته هنا


القصة دي هدية لكل أصحابي ..وخصوصا محمدات(جمع محمد يعني:)) اللي بيعدوا من هنا..

محمد..

الولد ده فكرني بيك وانت صغير علشان كنت بريء جدا زيه كدة في تفكيرك ..ورغم كل خبرات التشرد اللي اكتسبتها لسة فيك جانب طفولي جميل

حب وبحر وحارس

" وفى مغيب آخر ايام عمرى ..

سوف أراك وأرى أصدقائى ،

ولن أحمل معى تحت الثرى غير حسرة الأغنية ..

التى لم تتم ..! "

( ناظم حكمت )

(1) حب .. وبحر .. وحارس

كانوا قالوا : " إن الحب يطيل العمر "

حقا .. حقا .. إن الحب يطيل العمر ! !

حين نحس كأن العالم باقة زهر

حين نشف كما لو كنا من بلور

حين نرق كبسمة فجر

حين نقول كلاما مثل الشعر

حين يدف القلب كما عصفور ..

يوشك يهجر قفص الصدر ..

كى ينطلق يعانق كل الناس !

كنا نجلس فوق الرملة

كانت فى أعيننا غنوة

لم يكتبها يوما شاعر .

. قالت : - .. صف لى هذا البحر !

- يا قبرتى .. أنا لا أحسن فن الوصف -

وإذن .. كيف تقول الشعر ؟ !

- لست أعد من الشعراء

أنا لا أرسم هذا العالم

بل أحياه

أنا لا أنظم إلا حين أكاد أشل

ما لم أوجز نفسى فى الكلمات

هيا نوجز هذا البحر

- كيف .. أفى بيت من شعر ؟

- بل فى قبلة !

! عبر الحارس .. ثم تمطى ..

!" نحن هنا "

ومضى يلفحنا بالنظرات"

يا حارس إنا لا نسرق

يا حارس يا ليتك تعشق

يا ليت الحب يظل العالم كله

يا ليت حديث الناس يكون القبـلة

يا ليت تقام على القطبين مظلة

كى تحضن كل جراح الناس

كى يحيا الإنسان قرونا فى لحظات "

التراجيديا الإنسانية ...نجيب سرور

إهداء:::

البوست ده هدية لريهام (منيرفتي الجميلة)عاشقة سرور ..يا رب تكون كل أيامك سعادة وحب وتوصلي لواحتك الجميلة النورانية اللي بتحلمي بيها يا رب

منيرفا...
حبيت أرد علي كلامنا اللي لسة لم يكتمل عن الاشكالية إياها بكلام سرور

""لا لن تملى الإنتظار

لن تيأسى مادام لليوم االذى تحيين غد

و إذا مللت هنيهة طول الفراق

""ففكرى دوما بأن لقاءنا لم يأت بعد

........

لله يا زمري

تلك الحياة..

يا سكني، كثير من هؤلاء الناس الذين نراهم يمضون من حولنا في نهر الحياة، دهستهم الحياة من قبل مرة أو مرات. لكنهم انتفضوا ليواصلوا المسير . فالحياة طيبة برغم كل شيء ، وبرغم أنها في مثل تلك الحالات تغدو مثقلة بذكري اللحظات الأليمة .. تغدو مفعمة بالشجن.. والشجن حزن جليل. والجلال أعلي مراتب الفتنة..يا سكني...

من قصة "تلك الحياة الفاتنة"....المبدع محمد المخزنجي

غيمة من روح

غيمة رمادية...غارقة في بحر من الأزرق الحزين...ومثقلة بحمولها كما لها أن تكون...يبرق ويرعد ما حولها مرارا..لكنها أبدا لا تمطر..يمنحها هذا بعضا من الحماية ربما لكنها لا تلبث أن تدرك بعد قليل كم هو قاس حقا ألا تفعل...وأن المقاومة بكل جاذبيتها وسحرها لا تساوي أي شيء حينما يصبح كل شيء مغريا بالاستسلام...

حالة كدة

معرفش ليه تنّحت للدنيا كده

فجأة لقيتني مسكون بالملل

لا عندي رغبة في البكا

ولا في الكلام

ولا عارف أنام

ولا حتى بسأل إيه ده إيه

و أخرتها إيه

و إيه العمل

و أخاف أقول لأي حد

أحسن يقوم يقلبها جد

حد صاحبي ينزعج

يمد إيده في قلبه من باب الكرم

عشان يشاركني الألم

أو يستلفلي من لئيم حبّة أمل

حالة كده .. معرفش إيه

حالة كده ملهاش معالم

ساعات تزورني في الربيع ..

في الحر ..

و في عز الشتا

و تجيب حاجات

لا فيها روح ولا ميتة

حاله كده ..

لا معاها تنفع كلمتين

ولا غنوتين ..

ولا لقطه من ألبوم صور

..ألاقى قلبى ف الهوا

ويا الكور

..أخاف اقول لأى حد

..أحسن يقوم يقلبها جد

..حاله كدة

.معرفش إيه

لكنى بطلع منها بعد السكات ..

فاهم شوية في اللي فات

حاسس أوي بحضن الصحاب ..

محظوظ أنا

ساعات أشاور

ينفتحلي ألف باب

لكنّي بغلط في الحساب

ومعرفش ليه

تنحت للدنيا كدة

على سلامة

براء..

اسمها براء...
زميلة دراسة هي..ومزية أن تكون دراستك ستة أعوام أن تصبح كل الوجوه –بحكم العشرة- حميمية وقريبة إلي قلبك حتي من دون أي كلمات ..

كانت مرات قليلة تلك التي تبادلنا فيها كلمات علي مدي تلك الأعوام ربما لأننا لسنا دائما بذات (السكشن)..لكنها ظلت بملامحها المصرية الرقيقة وابتسامتها التي ينبع ضيها من عينيها قبل شفاها –ساحرة دوما ابتسامات العيون – من الوجوه التي تسعدني رؤيتها ..

اسمها براء ..وعندما تعرفنا أول مرة أثار دهشتي نوعا أن تسمي به فتاة والاسم شهير بين الذكور من صحابة الرسول صلي الله عليه وسلم .. وكان اعتقادي أنه مشتق من (يبرأ) بمعني الشفاء..

اسمها براء .. ولم أكن أعلم أن اسمها بهذا المعني الجميل إلي أن كانت تلك المرة..كانت

واقفة بالجوار وسألتها زميلة جديدة علي مجموعتنا عن اسمها فأجابتها .. سألتها عن المعني فأجابت "البراء هو أول ليلة

بالأيام القمرية من الشهر العربي.."
علقت معها عن جمال الاسم وضحكنا كثيرا حينما داعبتها صديقتنا (يعني انتي بتطلعي مرة في الشهر ؟؟ ) لتجيبها أخري (لأ بتطلع 3 أيام كل شهر)....

الحزن..من الوريد إلي الوريد

مساء الحزن

يا طفلة النهر

و الريح و الحقول النضرة..

هل توهمت حقا..

حين غادرت قريتك

أنك تستطيعين بناء مزار في المستنقع؟؟؟

مساء الحزن

يا طفلة الصدق..

ماذا تفعلين في هذا القفر المعدني

بعد أن استهلكت العتمة العفنة شموعك؟

مساء الحزن

يا طفلة التحدي

ماذا جئت تنشدين لبركة الضفادع؟

ماذا كنت تبلغين قطيع الخراف

..

في البداية جئت أغني

فقالو إنني أحيك مؤامرة

لأنني الصق جراحي بكل جرح ألقاه..

قالوا: لماذا؟

قلت: لا اعرف!!

...قالوا:مقاس جرح كل شخص.

كمقاس حذائه

مساء الحزن

أيتها القتيلة

..يا وردة القبيلة.

غادة السمان

تاج من جديد..

تاج جديد من محمد النقيب

هابدأ بالسؤال الرابع علشان جاوبت أول 3 أسئلة قبل كدة

الرابع: هل فكرت فى إغلاق المدونة .. و السبب ؟

لأ مفكرتش اقفلها قبل كدة.. بس كتير بفكر معاها باللا جدوي

الخامس: صورتك فى المدونة.. رمزيتها ؟

مفيش صورة خالص..

السادس: طبيعة كتابتك فى المدونة بشكل عام.. سياسة.. قصة.. عبث.. كلام فاضى ؟

عبث ..كلام فاضي أحيانا وأحيانا كلام عاجبني لشعراء أو كتاب..

السابع: لماذا تدون أصلا ؟

علي سبيل ازعاج الآخرين ..

الثامن: أحلى جملة قيلت لك فى وصف مدونتك ؟

هي مش أحلي جملة بالضبط ..هو أول وأطرف تعليق عن اسم المدونة :).... ((اسم تنح أوي!!!)) ده كان من محمد أخويا ...وتنح في لغة محمد يعني سخيف ...صدمته في الاسم قلت نوعا لما شرحتله مغزي الاسم وقصيدة محمود درويش اللي اقتبسته منها... وبعدها بشهرين تقريبا كان رأيه الجديد ((تصدقي انه اسم جامد...)) طبعا ده علشان أنا ماتريقش علي مدونته اللي مسميها عطشان!!!

التاسع: التعليقات بالنسبة لك.. أهميتها ؟

وسيلة التواصل ..آراء وأفكار مختلفة وعيون تانية بتشوف بيها.. ساعات التعليقات بتكون أهم من البوست نفسه..

العاشر: أفضل مدونة قرأتها.. يمكن اختيار عدة مدونات

مش مهم تكون أفضل ..المهم تكون أحب ليا...هما حوالي 8 مدونات لازم أعدي عليهم أول ما ادخل وباحب أتابع جديدهم دايما...

الحادى عشر: حد قل أدبه فى التعليق.. إيه رد فعلك ؟

لأ محصلش
تحديث::: بالصدفة في نفس وقت البوست ده لقيت رد عندي بلغة مش فاهماها خمنت إنها اسباني أو ايطالي ولقيته من ولد مكسيكي عنده 16 سنة ..خليت أختي تترجملي اللي مكتوب علشان الاسباني تخصصها ..قالتلي انه كان بيسأل دي مدونة شعر ولا أيه وبيقولي عندك تعليقات وبيشتم في وسط كلامه مش عارفة ليه... ضحكت وقلتها مش مشكلة ده واحد صغير وبيلعب وخلاص لكن هيا صممت اننا نرد عليه في مدونته وقالتله -علي لساني يعني- أنا كمان ممكن أشتمك بلغتك وممكن اشتمك بلغتي لكن أنا مش هاعمل كدة:)
المهم إني لقيته رجع تاني رد وبعد الترجمة عرفت أنه بيقول إن فيه سوء تفاهم وإنهم بيستخدموا الكلمات دي عادي عندهم في المكسيك وانه كان نفسه يشوف شكل مدونة شبه مدونته بالعربي وبالصدفة دي كانت مدونتي..المهم إني قررت اني هاسيب تعليقاته لانه مش قاصد يشتم أولا ولأنها مش هتضايق حد هنا بلغتها دي
:)
الثانى عشر: أسوأ مدونة الاجابة اجبارية يمكن اختيار عدة مدونات هما كتير اصلا ؟أسوأ مدون مهو هتجاوب هتجاوب؟أسوأ بوست؟

أسوأ مدونة كتدوين ممكن تكون مدونتي علشان أنا مش بادون بمعني التدوين وعاملاها
سبيس تقريبا... بس بمعني السؤال مش عارفة أوي لأني غالبا لما بادخل بلوج ومتعجبنيش بانساها لأنها معلمتش معايا بحاجة كويسة.. وأسوأ بوستات بالنسبة ليا هي البوستات المبتذلة لمجرد الابتذال..

الثالث عشر: إيه اللى هيحصل لايميلك لما تموت ؟

مش هاتفرق ..أنا كدة كدة بافتحه كل فين وفين ..مش هيزعل عليا يعني علشان سوء
المعاملة دي..

الرابع عشر: إديت الباسوورد لحد قبل كده ؟

آه طبعا..

الخامس عشر: اسمك ؟
إيمان..

السادس عشر: اسم الدلع المشهور وسط أصحابك ؟

صحابي القريبين أوي يعرفوا إيما ..اللي هوا اسمي العائلي اللي مش بيتعرض للتلوث الخارجي.. موني كمان اسم قديم عزيز عليا...غير كدة غالبا إيمي أو إيمو أو مُنة

السابع عشر: عمرك ؟


هأتم 23 سنة في شهر 8 إن شاء الله

الثامن عشر: برجك ؟

العذراء .. وفي الأبراج الصينية مش عارفة.. تقريبا الفيل أو الدب أو الحصان حاجة كدة
..
التاسع عشر: مجال دراستك ؟

طب بشري..

العشرون: شخصيتك نوعها إيه ؟
سؤال صعب مش عارفة اجابته .. شخصية مملة طبعا بعد الاجابات الهايلة دي..

الحادى و العشرون: السفر بالنسبة لك إيه ؟

ضغط نفسي وتوتر في أوله علشان أنا من الناس اللي بترتبط بالأماكن جدا بس بالتعود بيبقي مناظر جديدة وناس جديدة ..عموما أنا مسافرتش كتير..
الثانى و العشرون: المود بتاعك ؟
حاليا تحت الصفر ..

الثالث و العشرون: وقت فراغك بتعمل فيه إيه ؟

المفروض إن معنديش وقت فراغ خالص في ظروف الدراسة الحالية.. لكن باعمل كل اللي
ممكن يتعمل في وقت الفراغ حتي لو معنديش وقت..
الرابع و العشرون: الأكلة المفضلة ؟

الفواكه أكلي المفضل .. بس فيه حاجات تانية كتير بحبها.. الكشري والبطاطس المحمرة والسمك مثلا..

الخامس و العشرون: الصفات اللى خدتها من بابا ؟

السادس و العشرون: الصفات اللى خدتها من ماما ؟

هأجاوب السؤالين مع بعض علشان ماما وبابا شبه بعض في الصفات ...طبقا لنظرياتي في الحياة أي اتنين متجوزين بيبقوا شبه بعض في الصفات والكلام وحتي الشكل بعد كام سنة ..ما علينا مش وقت النظريات .. بابا وماما طيبين جدا وخدومين جدا وده أتمني أورث منهم نصه حتي... ومن بابا خدت الطول:)

السابع و العشرون: أكتر ست حاجات بتحبها ؟

أهلي وصحابي اللي هما أحلي حاجة في الدنيا.. جدتي الله يرحمها .. القصص والشعر..
الشاي والخشاف بتاع رمضان .. لما أشوف حد مبسوط ..

الثامن و العشرون: أكتر ست حاجات بتكرهها ؟

الظلم ..النفاق.. الغرور .. أنا لما بيكون عندي امتحانات. . مش عارفة بقي هو لازم ست حاجات !!

التاسع و العشرون: الشغل بالنسبة لك ؟

تجربة لسة معيشتهاش ..تبدأ من السنة الجاية إن شاء الله...

الثلاثون: إيه الكمبيوتر و الإنترنت بالنسبة لك ؟

عالم ساحر جميل كان غريب جدا عليا إني ارتبط بيه كدة ....مصدر للاكتئاب أحيانا وعلاج ليه في نفس الوقت

الحادى و الثلاثون: أمررهم لمين ؟

لأي حد لسة مجاوبش أسئلته يتفضله وربنا معاه ..

زائر ..لا يجيء

لكل تلك الأشياء البعيدة... الجميلة.....لأنها لا تجئ

الزائر الذي لم يجيء

..ومرّ المساء

وكاد يغيب جبين القمر

وكدنا نشّيع ساعات أمسية ثانيه

ونشهد كيف تسير السعادة للهاويه

ولم تأت أنت

..وضعت مع الأمنيات الأخر

وابقيت كرسّيك الخاليا

يشاغل مجلسنا الذاويا

ويبقى يضجّ ويسأل عن زائر لم يجيء

***

وما كنت أعلم أنّك إن غبت خلف السنين

تخلّف ظلّك في كلّ لفظ وفي كلّ معنى

وفي كلّ زاوية من رؤاي وفي كلّ محنى

وما كنت أعلم أنّك أقوى من الحاضرين

وأنّ مئات من الزائرين

يضيعون في لحظة من حنين

يمدّ ويجزر شوقا إلى زائر لم يجيء

***

ولو كنت جئت..وكنا جلسنا مع الآخرين

ودار الحديث دوائر وانشعب الأصدقاء

أما كنت تصبح كالحاضرين

وكان المساء يمرّ ونحن نقّلب أعيننا حائرين

ونسأل حتى فراغ الكراسي

عن الغائبين وراء الأماسي

ونصرخ أنّ لنا بينهم زائرا لم يجيء ؟

***

ولو جئت يوما – وما زلت أوثر ألا تجيء-

لجفّ عبير الفراغ الملوّن في ذكرياتي

وقصّ جناح التخيّل واكتأبت أغنياتي

وأمسكت في راحتيّ حطام رجائي البريء

وأدركت أنّي أحبّك حلما

وما دمت قد جئت لحما وعظما

سأحلم بالزائر المستحيل الذي لم يجيء

الزائرالذي لم يجيء ..نازك الملائكة..الراحلة الرقيقة التي أسرت أرواحنا بكلماتها..اللهم اغفر لها وارحمها واسكنها الجنة

ألف ليلة

خيول بيضاء ساحرة تجر وراءها عربة نحو عوالم الخيال الساحر في ألف ليلة وليلة..هذا ما كانت ترسمه هذه الأغنية بلحنها الساحر وصوت صاحبها الذي يحبه الصغار ربما أكثر من الكبار..و الذي اتخذه برنامج رمضاني اسمه (قطايف) كتتر لنهايتها لتبدأ بعدها مباشرة ألف ليلة وليلة ..
ومازلت أعشق الأغنية وترتبط في خيالي دوما بسحر عالم ألف ليلة وليلة وبسحر ذكريات الطفولة ..

الليل..وآخره

ليلاتي في المعاد ده...
ينعاد عمري اللي عدى

والقى الماضي اللي عدى
ع الحاضر يستعدى

والحزن في قلبي ناخره
والريح ناح فوق سطوحي

ويا بوي عالليل وآخره
لما تصحى جروحي

أدعي لله تعالى
يطفى شوقى وحنيني

يا فجر يا جاي تعالى
زيح حمل تقيل حانيني

ليضيع كنزي اللي داخره
ونوحي يا روحي نوحي

ويابوي عالليل وآخره
لما تصحى جروحي

الليل وآخره...سيد حجاب

تساؤلات

تسألني الصغيرة عن غاية الفرح الإنساني فأجيب.. هو أن يدخل أحدهم إلي عالمك تاركا وشما جميلا مميزا بقسمات وجهه علي جنبات روحك..تسألني عن قمة الحزن الإنساني فأجيب ..هو أن يرحل أحدهم بعد أن يترك وشمه علي روحك تاركا لك الاختيار بين الاحتراق بالكي في محاولات النسيان أو الاحتراق بنار الذكري ..

تاج

التاج ده وصلني من دافنشي (فنان فقير)

أحب شخص لقلبك في الدنيا؟
ماما....
إنسان مستعد تضحي بحياتك – ركز فى كلمة حياتك - عشانه؟
لو تضحية زي دي ممكنة..كتير يستحقوها..ببساطة كل اللي وجودهم في حياتي بيصنعها يستحقوها..
إنسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
مفيش..مكرهتش حد قبل كده و اتمنيت موته أبدا..باستثناء شارون قبل ما يحصله اللي حصله..أنك تقتل حد وتقف تبص لجثته ده إحساس مرضي ربنا يعافينا منه..
ما هو:اسم أجمل كتاب كتبه بشر قرأته ومحتفظ به حتى الان؟
ما أقدرش أختار كتاب واحد ..مينفعش أجمل كتاب لكل كاتب؟؟ علي العموم معظم كتيبات د.أحمد خالد توفيق .. أعمال أمل دنقل الكاملة.. سلامتك من الآه لعبد الوهاب مطاوع.. الجنس التالت ليوسف إدريس.. بين يدي عمر ورجال حول الرسول لخالد محمد خالد... عودة الروح لتوفيق الحكيم.. الهزيمة كان اسمها فاطمة لإحسان عبد القدوس بس ده مش محتفظة بيه..في حاجات أجمل بس ناسياها..علي العموم كفاية
اسم كتاب - كتبه بشر برضه - انت متعلق بيه وبتقرأه كل فترة؟
أي حاجة لد.أحمد خالد توفيق ..ممكن أفتح أي قصة وعلي أي صفحة من الوسط وأعيش معاه وأنسي الدنيا.. كمان لا تصالح ومعظم أشعار أمل دنقل .. كل الأشعار اللي باحبها عموما..
أهم جهاز منزلى أنت متعلق بيه أو بتستخدمه كتير؟
البوتاجاز...
مكان تحس بالراحة عندما تدخله؟
مصلي السيدات بمسجد النور
شيء تحس بالراحة النفسية عندما تنظر إليه؟
عينين حد مبسوط وبيضحك من قلبه بالذات الأطفال.. الزرع عموما
مكان تحس فيه بالحنين الى شيء لا تدرى ماهو و ذكريات جارفة الى لاشيء؟
مدرستي بكل ذكرياتها الجميلة.. شوارع وسط البلد علشان بتفكرني بأصحابي كلهم..
اجمل مدينة زرتها داخل مصر ؟
للأسف مسافرتش لمدن كتير في مصر بس باحب مرسي مطروح لأنها أكتر مدينة زرتها يمكن..
أجمل مكان طبيعي رأيته داخل مصر ؟
النيل في أسوان..لسة مشفتوش علشان عمري ما زرت أسوان بس باشوفه في خيالي جميل جدا
شخصية كارتونية بتحبها؟
رشيدة معزة بكار !! سندباد بتاع د.مني أبو النصر..
نوع هاتفك المحمول؟
نوكيا 6070
سرعة بروسيسور جهازك؟
إحم.. البروسيسور ده اللي هوا مين وبيعمل أيه بالضبط؟؟ مش عارفة تقريبا الرقم ده 2.80
حجم ذاكرة –هارد- جهازك؟
80
المساحة التى تشغلها المواد الاسلامية على جهازك؟
21.6 GB بس ده مش المقياس أصلا ..المهم تكون حاجات بتستفيد منها....
نفس المساحة السالف ذكرها فى قلبك -الإجابة لنفسك عشان الرياء يا اخواننا -؟
مش عارفة ..يا رب يملي الهارد كله
أهم هدف انت واضعه لحياتك الآن؟
أخلص السنة دي كليتي وأعرف هاعمل أيه بعد كدة..


مواصفات فتى (فتاة) الأحلام بالنسبة لك؟
مش عارفة.. ماحاولتش ارسم ملامح شخصيته بالورقة والقلم ولا حسيت إنها مناقصة باختار فيها مواصفات.. مواصفاته هاعرفها لما أعرفه ..ممكن أقول حاجات كتير بس كلها في الآخر مجرد كلمات ..الخلق والدين حاجة أساسية علشان اللي عنده أخلاق أكيد روحه وصفاته كلها جميلة.. أتمني تكون روحه جميلة ومتسامح مع الدنيا كلها..

صف ما يأتى:شعورك لما بتسمع كلمة مصر ؟
قلبي بيوجعني عليها ..ببساطة زي ما بيقول سيد حجاب :باحلم يا صاحبي وأنا لسة باحبي بدنيا تانية ومصر جنة يا صاحبي...

شعورك لما بتسمع كلام عن اليهود؟
باحس بالذل اللي عايشه كل واحد عربي بسببهم أو الحقيقة بسببنا..يهود إسرائيل تحديدا..
شعورك لما بتشوف ظابط شرطة؟
باحس إنهم لغوا انسانيتهم قبل ما يتخرجوا..أكيد مش كلهم مجرمين بس اللي بيعملوه في الناس خلي كل واحد يكره يشوفهم
شعورك لما بتشوف الكناس العجوز فى الطريق؟
باحس بحزن لإنه كبير وبيتعب علشان يقدر يعيش في الوقت اللي المفروض يرتاح فيه ..مش الكناس بالذات لإن دي مهنة زيها زي أي عمل بس أي حد كبير عموما بيشتغل شغل مجهد علشان محتاج..
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
باحترمه أكيد علشان هوا نيته إنه يتقرب لربنا ويرضيه بالذات لو كمان بشوش ومبتسم ولين مع الناس.. طبعا الجوهر أهم بكتير من الشكل ومش لازم تلبس كدة علشان تكون متدين بس بالتجربة غالبا بيكونوا مهذبين ومحترمين جدا في تعاملهم..
إحساس يراودك فى إشارة مرور مغلقة بسبب مسئول كبير؟
باحس بالقهر.. باتمني يجرب يحس باللي بيعمله في الناس ..
..
هامرره لمنيرفا ومصطفي يحيي..

أيدوم النهر..

لحظة ما بعينها.. لحظة اتزان..لحظة اكتمال ربما ..تتمني لو يهدأ عندها سريانك.. لو يتوقف بك الدهر ها هنا.. لو ترحل عنك حسابات الزمان
لحظة كهذه ستعلمك كم هو قاسٍ أن تحيا قلقا بانتظار لحظات النقصان القادمة ..

أيدوم لنا بستان الزهر
والبيت الهاديء عند النهر
أم يسقط خاتمنا في الماء
ويضيع ويضيع مع التيار
وتفرقنا الأيدي السوداء
ونسير علي طرقات النار
لا نجرؤ تحت سياط القهر
أن نلقي النظرة خلف الزهر
ويغيب النهر..

أيدوم لنا البيت المرح
نتخاصم فيه ونصطلح
دقات الساعة والمجهول
تتباعد عني حين أراك
وأقول لزهر الصيف..أقول
لو ينمو الورد بلا أشواك
ويظل البدر طوال الدهر
لا يكبر عن منتصف الشهر
آه يا زهر..
لو دمت لنا ..
أو دام النهر..

أيدوم النهر...أمل دنقل

زعلانة شوية

إن سألوك الناس عن ضي جوا عيونك مبيلمعش ..متخبيش..
قولهم العيب مش فيا.. دا العيب في الضي..

مسير الضي لوحده هيلمع ... ومسير الضحك لوحده هيرجع..

إن مقدرتش تضحك ..متدمعش ولا تبكيش

باحلم إني ..فنان فقير..فؤاد حداد

فؤاد حداد...........وبس....
يا تري الواحد محتاج يتكلم بعد ما يذكر اسمه .... فؤاد حداد ببساطة....ملك من ملوك الكلام ...
أشعار فؤاد حداد دنيا تانية ..كل ديوان حالة ..وحكاية...
فؤاد حداد.. وقصايده أيام المعتقل وملاحظة الأبنودي العبقرية عنها إنها طولية زي أسياخ شبابيك السجن .. قصايد مليانة أمل رغم الإهانة والتعذيب ..
فؤاد حداد.... (المسحراتي)..
فؤاد حداد ..صاحب أجمل كلمات أغاني.. منير في الجيرة والعشرة.. وهيلا هيلا.... حرما يا سيدي بصوت علي الحجار...فنان فقير بصوت وجيه عزيز....ازرع كل الأرض مقاومة في فيلم العاصفة..
القصيدة اللي في البوست دي مكنتش أعرف عنها حاجة قبل ما أسمع من أخويا عن (نغم مصر)..فرقة من الفرق الغنائية المشهورة ولهم شعبية كبيرة وسط الشباب...وبيغنوا لنجم وبيرم و فؤاد حداد وغيرهم.. كان ليهم موقع علي النت بس للأسف واقع من فترة..
الأغنية كانت أبيات من قصيدة(حلم عبد الله العجوز مع السلطان) ملضومة بأبيات فنان فقير الجميلة...
القصيدة سحرتني لما سمعت الأغنية.. وسحرتني أكتر لما قريتها ..



باحلم اني في اسطمبول
بالعب طاولة مع السلطان
بيحمرق أعمل مش شايف
ويبرّق أعمل مش خايف
والحظ محالف ومخالف
لو أخسر أبقي أنا مسطول
لو أكسب أبقي أنا غلطان

باحلم إني في اسطمبول
بالعب طاولة مع السلطان

كل ما أيده الزهر بتلمس
أحلام عل أنفاسي بتكبس
إنه بيضرب وأنه بيحبس
إشي بالعرض وإشي بالطول
إشي في الفاضي وفي المليان

باحلم إني في اسطمبول
بالعب طاولة مع السلطان

وعيونه بتتمهزأ بيّه
وحواجبه أيضا لعبيه
ودا قاعد فوق الدهبية
وبيستعبط:- مش معقول
وبيضحك زي الإنسان

باحلم إني في اسطمبول
بالعب طاولة مع السلطان

قال والسارق دايما ناكر
والقاتل تلاقيه مش فاكر
كله ورق وفلوس وتذاكر
بيفهمني: العالم غول
وأنا ساكت والدنيا شيطان

باحلم إني في اسطمبول
بالعب طاولة مع السلطان

باحلم أني مؤكد هابكي
ودموعي سالت من شكي
وباقول يمكن وباقول بلكي
أنا باحلم وأنا مش مسئول
الدم بيجري في لبنان

باحلم إني في اسطمبول
بالعب طاولة مع السلطان


فكرت أني أنشرها زي ما هي في الديوان ..كاملة يعني.. لكن لقيت الأحسن أني أكتبها زي ما بيغنوها ..بس زودت عن الأغنية المقطع الأخير من القصيدة لأنه الحقيقة أجمل من أن يترك..

دواير

بنلف فى دواير..
و الدنيا تلف بينا
و دايماً ننتهى

لمطرح ما أبتدينا
طيور العمر تايهة

فى عتمة المدينة

ساكنين فى عالم يعشق الخطر
فيه الطيور تهرب من الشجر

و تهرب النجوم من القمر

بنلف فى دواير
بندور ع الأمان
و نلاقينا نرجعنا
تانى لنفس المكان

ندور ندور

نحلم و نحلم
بالحياة المفرحة
و أتارى أحلامنا
بلا أجنحة..بلا أجنحة

ندور ندور ندور
بجناح حزين مكسور
ساعات نشوف فى العتمة

و ساعات نتوه فى النور

و ساعات عيونا م الأسى ..تفرح

و ساعات فى ساعة الفرح..منوّحة

دواير....الأبنودي...ومروان خوري

لحظات ..شخبطة قديمة

كل شيء هنا

يبدو-بقليل من الواقعية-لحظات..لا أكثر

تكون أو لا تكون...

هذه مشكلتك...وربما مشكلتي..

بك أو من دونك سيواصل رحلته الزمان..

ربما يتبدل في أثوابه الكثيرة..

يتثاقل حينا كعجوز أعيته سنون العمر..

يعدو يوما مثل الفرس اللاهث..

يتلكأ مرة...يركد مرة...يركض مرات..

لكن مهما تغير شكل وحجم الخطوة.

لن يختلف الأمر كثيرا..

عن بضعة لحظات...

الحب أعلي مراحل الاستعمار

الحب هو أعلي مراحل الاستعمار العاطفي!! لأنك حين تحب تستعمرك حبيبتك..وتحتل قلبك وأراضيك وتلغي استقلالك الشخصي.. وتمحو نشيدك الوطني، وتحرمك من حق التمثيل الدبلوماسي المنفرد لدي الأشخاص، والأسر، والأصدقاء..
وهي أيضا حين تحب يستعمرها حبيبها ويشغل قلبها وتفكيرها، ويحرمها من أن يكون لها عالمها الخاص ونشيدها المستقل.. والفارق الوحيد بين استعمار الشعوب واستعمار القلوب هو أن الأخير هو الاستعمار الوحيد الذي لا يكافح أحد لطرده وتحرير"التراب" منه.. بل علي العكس يكون الجهاد"الوطني" فيه لإطالته ومد أجله إلي أقسي حد ممكن.. وعلي حين تحتفل الشعوب بتحررها من الاستعمار ..وتخصص يوما لذلك تسميه"يوم الاستقلال".. تحزن القلوب إذا انتهي استعمارها العاطفي ..وتنكس الرايات ..وتسمي يوم انتهائه بيوم الحزن علي ضياع الحب وافتقاد المشاركة..وعودة الاستقلال..
وفي حين يسلب الاستعمار إرادة الشعوب رغما عنها.. تسلم القلوب إرادتها أو جزءا منها علي الأقل طائعة لمن تحب.. فتختفي الإرادة المستقلة لكل طرف وتحل محلها الإرادة المشتركة.. لدولة الحب "الوحودية" الجديدة..


مقتطف من (الحب أعلي مراحل الاستعمار).. عبد الوهاب مطاوع...من كتاب وقت للسعادة ووقت للبكاء

زي الهوا...اللقاء الثاني

زي الهوا ساير وخيال الطيف
أحلي سنين العمر بيننا تمر
يا نعيش هوانا حلم ليلة صيف
يا تتوه خطانا في ليل شتانا المر

ولما تتلاقي الوشوش مرتين..
مبيتلاقوش يوم اللقا التاني..
عمر الوشوش ما بتبقي بعد السنين
نفس الوشوش دي بتبقي..تبقي شئ تاني

بتبدل الأيام ملامحنا
ترعشنا.. تنعشنا.. تشوشنا
يا تري اللي بيعيش الزمن إحنا
ولا الزمن هوا اللي بيعيشنا..

الساحر ....سيد حجاب

غبار اللحظات..

بادرت عيناه لمصافحتي كعهدها بينما تأخر لسانه كثيرًا كأنما يفتش حائرًاعن الكلمات .. للحظة تجمدت في مكاني .. عيناي تائهة بين ملامحه .. أري نفسي في مرآته بعد كل هذه السنوات..لأدرك لأول مرة كم هي قاسية الأيام...
"حمد الله علي السلامة.."
قلتها أنا أخيرًالأنهي حالة الصمت الطويلة تلك..
"لا أصدق أني هنا معك ِو أراكِ من جديد....."
شرع يقص علي ما كان من أمره منذ أن رحل..يحكي في حماس وكأنما ذابت لحظات الارتباك الثقيلة الأولي تماما .. بينما لازلت أنا علي ذهولي.. يأتيني صوته من لا مكان.. أبحر إلي جزري البعيدة في عينيه.. أبحث بشوق عن مرساي القديم.. أساءلهما –وقد كانتا دوما صديقتيَ الواشيتين- عن سر بصمات الزمان القاسيةعلي كل ماحولهما.. وعن الذي أشعل الرماد بتلك الشعيرات الرمادية في مفرق رأسه ..
"ها..أين ذهبتِ؟؟"
أفيق علي تساءله فأعود لأرسو علي شاطئي .. تطل عليَ ابتسامته قبل أن يواصل
"ما زلت تشردين كعادتك...لم تتغيري قط يا عزيزتي.."
وما زلت حالما كما كنت دوما يا عزيزي...ترجو أن تختصربلحظة سبع سنوات مرت في بضعة كلمات ..
"لم تقولي أي شيء منذ أن جلسنا...لماذا كل هذا الصمت؟؟.."
وهل تصدقني لو أخبرتك أنك منذ رحلت رحلت معك الكلمات...
يضيف مترددا" تمنيت لو تقولين أنك كنت تفتقدينني كما أفتقدتك..."
" لكنني لم أفتقدك ..."
أجاهد كي أجمع فلول الكلمات الهاربة...بعسر التقط أنفاسي لأكمل قبل أن تحاصرني أمواج الحزن في عينيه..
" كنت هنا دوما .. ساكنا في كل ركن وفي كل معني.. أحاول أن أنسي فترهقني بقاياك بألف ذكري.. حيرني أنك لم تكن قاسيا معي يوما في حضورك بينما أنت طاغِ في غيابك.. تعبت كثيرا لكي أصدق أنك لم تعد هنا .. وتعبت أكثر لكي أصدق أنك بهذه القسوة حقا لتنهي كل شيء بلحظة وتهرب ..."
"أنا لم أهرب.. حاولت أن أجد لنفسي هنا فرصة ولم أفلح..لم يكن أمامي سوي الرحيل.. ورفضت أنتِ أن تكوني معي..."
" وها قد وجدت ما أردت...والآن تعود.. بعد كل هذه السنوات؟؟..كنت قد استعدت روحي أخيرًا وعاد إليَ توازني... أخبرني لماذا تعود الآن؟؟...لماذا تنكأ الجرح القديم؟؟ "

"أدركت أنه لا قيمة لكل تلك الأشياء وأنت لست معي..ليس لها أي معني من دون أن نكون معًا...عدت لكي نصبح معا من جديد..."
"بعد كل هذه السنوات!!"
" لننسي ما فات ..لننسي هذه السنوات وكأنها لم تكن .. كأنهاعاصفة هبت فمنعتنا عن الرؤية وفرقتنا للحظة ثم عدنا معًا من جديد...."
"عاصفة رسمت ثنياتها حول عينيِ وعينيك ..عفرت روحي وروحك.. تركت غبارها الذي لن ينمحي علي خصلات شعرك ...أخشي أنها لوثتنا للأبد..."
"اتركي لنا فرصة لنجرب..ربما نجحنا سويا في أن نمحو الغبار.."
لازلت طفلا حالما يا عزيزي..حتي رغم كل تلك السنوات..
أقول بتردد:"لا زالت عيوبي كثيرة ..ولا زلت غرة وعنيدة كما أنا.."
"لا يعنيني سوي أن يكون أكبر عيوبك مازال بقلبك لم يتغير.."
يضيف بابتسامة "ألم تقولي بيومٍ أنني أكبر عيوبك؟؟.."
طفل لا ينقصه الحماس هو أنت يا عزيزي...وأخشي أن حماسه معدِ دوما..

يا صديقي مد إيدك..

آدي إيدي

مِد إيدك

جرحي جرحك

عيدي عيدك
ود دافي

.. نبع صافي

... شيء كأنه نيل موافي

من وريدي و من وريدك

... يا صديقي مِد إيدك

يا صديق عمري يا صاحب ذكرياتي

... إنتَ كنز أيامي تحويشة حياتي

و مراياتي اللي باشوف جوّاها ذاتي

... و تواجهني بعيبي تكشف سيئاتي

تِقسى بحنان و استزيدك ...

يا صديقي مِد إيدك

أصدقاء و الود موصول فوق زمانّا

... بيه آمنّا و له آمنّا و فيه أمانّا

بيه على الدنيا و ع الدهر استعانّا

... و إن زمنّا خانّا و في لحظة طعنّا

تستعيعدني و استعيدك

يا صديقي مِد إيدك

تتر مسلسل الأصدقاء..المبدع سيد حجاب كالعادة..أرجو أن تنال أعجابك عزيزي دافنشي..

إهداء لكنزي الجميل..أصدقائي

كان فيه يا بلدنا يا نساية..

كان فيه يا بلدنا يا نسّاية
حتة بسكوتة فريسكاية

ع الشط تبعتر ضحكتها
تفرش حدوتة و غنواية

نشوانة بسحر جلال الكون
عشقانة جمال الصوت و اللون

هيمانة ف حلم جميل حيكون
عنوان الأيام الجايّة

بتحب الناس و الناس ناسيين ..
و بتحلم تكسي الكون فساتين

و قلوب الناس تطرح بساتين
التينة جنب العنباية

و البنت الشمس الشموسة ..
مع كل صباح تبقى عروسة

تطلع على مصر المحروسة
فرحة بزغروتة بضحكاية

مقدمة مسلسل فريسكا..كلمات أحمد فؤاد نجم

أفلت زمام

مجنون ولحبي غاية
باحلم من غير نهاية
أمانة يا بحر طبطب
علي شمس تكون مراية

وآه يا موج يا عالي
هاعوم فيك ما بدا لي
ع الشط الحر أرسي
وألقي جواب سؤالي

أغنية أفلت زمام..فريق بلاك تيما..برغم الضعف الواضح في أصواتهم إلا أن كلمات الأغنية جذبتني..سأبحث عن اللينك لأضيفه

افلت زمام

تفسير..

شاعر يكتب في المقهى
العجوز، ظنَّتْه يكتب رسالة لوالدته
المُراهِقَة، ظَنَّتْهُ يكتب لحبيبته
الطفل، ظَنَّهُ يرسم
التاجر، ظَنَّهُ يَتَدَبَّرُ صَفْقَة
السائح، ظَنَّهُ يكتُبُ بِطاقَةً بريدية
الموظَّف، ظَنَّهُ يُحْصي دُيونَه
رَجُلُ البوليس السِّرِّيّ، مَشى نحوَهُ بِبُطء.
مريد البرغوثي

يا طيبة..

يا طيبة ..يا طيبة.. يا دوا العيانة..
اشتقنالك ..والهوا نادانا..

دي أغنية جميلة بتيجي علي سبيس تون


نفسي أغمض عيني وأفتحها ألاقيني هناك..بجد محتاجة أكون هناك..